సూర్య తదుపరి చిత్రం ఆకాశమే హద్దుగా అమెజాన్ ప్రైమ్ వీడియోలో విడుదల అవుతుంది. గణేష్ చతుర్థి సందర్భంగా సూర్య ట్విట్టర్‌లో ఈ ప్రకటన చేశారు. సుధ కొంగర దర్శకత్వం వహించిన ఈ సినిమా మొదట 2020 వేసవిలో థియేటర్లలోకి రావాల్సి ఉంది. లాక్డౌన్ వల్ల ఇక థియేటర్స్ లో వద్దు అనుకుని ఇప్పుడు అక్టోబర్ 30 నుండి అమెజాన్ ప్రైమ్ వీడియోలో ఈ చిత్రం ప్రసారం కానుంది.
తక్కువ ఖర్చుతో కూడిన విమానయాన సంస్థ ఎయిర్ డెక్కన్‌ను స్థాపించిన రిటైర్డ్ ఆర్మీ కెప్టెన్ జిఆర్ గోపీనాథ్ జీవితమే సూరరై పొట్రూ (ఆకాశమే హద్దుగా) కథ కి ప్రేరణ పొందారని చెబుతారు. ఈ చిత్రంలో అపర్ణ బాలమురళి, మోహన్ బాబు, పరేష్ రావల్ కూడా కీలక పాత్రల్లో నటించారు. ఈ సినిమా హీరో సూర్య యొక్క సొంత ప్రొడక్షన్ సూర్య ఎంటర్టైన్మెంట్స్ కూడా చిత్ర నిర్మాణంలో భాగం పంచుకుంది.
ఈ సినిమా డిజిటల్ రిలీజ్ గురించి సూర్య మాట్లాడుతూ “ప్రపంచవ్యాప్తంగా ఉన్న ప్రేక్షకులు ఈ కష్ట కాలంలో అమెజాన్ ప్రైమ్ వీడియోలో ఆకాశమే హద్దుగా సినిమాను చూడగలిగినందుకు నేను సంతోషిస్తున్నాను. ఈ చిత్రం మా శ్రమ కి ఫలితాన్ని ఇస్తుంది మరియు ఇది ఇప్పుడు ప్రపంచ ప్రేక్షకులను అలరిస్తుందని నేను సంతోషంగా ఉన్నాను. ”
ఇంతకుముందు వెంకటేష్ తో స్పోర్ట్స్ డ్రామా గురు సినిమా దర్శకురాలు సుధ కొంగారా ఈ సినిమా దర్శకురాలు. తన చిత్రం ఇప్పుడు ప్రేక్షకులను చేరుకుంటుందని ఉత్సాహంగా ఉంది. ఆమె మాట్లాడుతూ “సూర్య తో దర్శకత్వం చాలా ఆనందంగా ఉంది. కెప్టెన్ గోపీనాథ్ పాత్రకు ఆయన నా మొదటి మరియు చివరి ఎంపిక. ప్రపంచవ్యాప్తంగా అనేక రకాల ప్రజలు ఈ చిత్రాన్ని చూడబోతున్నారని కంటెంట్ సృష్టికర్తకు తెలుసుకోవడం చాలా ఆనందంగా ఉంటుంది." అన్నారు..
ఈ చిత్రం తమిళం, తెలుగు, కన్నడ, మలయాళ భాషల్లో విడుదల కానుంది.
