నటుడు డా.రాజశేఖర్, ఆయన భార్య జీవిత గార్లకు కరోనా పాజిటివ్ సోకిన విషయం తెలిసిందే. వీరిద్దరూ రెండు రోజుల క్రితం తమకు బాగానే ఉందని, త్వరలోనే పూర్తి ఆరోగ్యవంతులు అవుతామని ట్వీట్ చేసారు. అయితే ఉన్నట్లుండి రాజశేఖర్ ఆరోగ్య పరిస్థితి కొంత విషమించిందని వార్తలు వచ్చాయి. హోమ్ ఐసోలేషన్ లో ఉన్న రాజశేఖర్ ను ఆసుపత్రికి తరలించడంతో ఈ వార్తలు గుప్పుమన్నాయి. అయితే రాజశేఖర్ కూతురు శివాత్మిక ఆయన ఆరోగ్యంపై క్లారిటీ ఇచ్చే ప్రయత్నం చేశారు. అందరూ అనుకుంటున్నట్లు నాన్న గారి ఆరోగ్యం విషమించలేదు. ఆయన కోలుకుంటున్నారు.
Dear @ShivathmikaR Wishing your loving dad and my colleague and friend #DrRajashekar a speedy recovery. All our best wishes and prayers are with him and your family. Stay Strong. https://t.co/7vorNZ8VMK
— Chiranjeevi Konidela (@KChiruTweets) October 22, 2020
అయితే కోవిడ్ తో ఆయన గట్టిగా పోరాడుతున్నారు. మీ అందరి ప్రార్ధనలు మాకు కావాలి అని ట్వీట్ చేశారు. ఈ ట్వీట్ కు మెగాస్టార్ చిరంజీవి కూడా రెస్పాండ్ అయ్యారు. "మీ నాన్న, నా ప్రియ మిత్రుడు రాజశేఖర్ త్వరగా కోలుకోవాలని అందరం కోరుకుందాం. మీరు నమ్మకంగా ఉండండి" అని ట్వీట్ చేసారు. హాస్పిటల్ మానేజ్మెంట్ కూడా రాజశేఖర్ ఆరోగ్యంపై వివరణ ఇచ్చే ప్రయత్నం చేసింది. ఆయన ఆరోగ్య పరిస్థితి నిలకడగానే ఉందని, వైద్యానికి స్పందిస్తున్నారని తెలిపారు. రాజశేఖర్ త్వరగా కోలుకోవాలని మనం కూడా కోరుకుందాం.
