‘ఆడవాళ్లు మీకు జోహార్లు’ అంటున్న శర్వానంద్

వరస సినిమాలు చేస్తున్న శర్వనంద్ కొత్తగా కిషోర్ తిరుమల డైరెక్షన్ లో రష్మిక హీరోయిన్ గా ఒక సినిమాని  ప్రకటించిన విషయం తెలిసిందే. దసరా రోజున అంటే ఆదివారం మధ్యాహ్నం ఈ సినిమా ప్రారంభం అయింది. కావున విజయదశమి సందర్భంగా శర్వనంద్, రష్మిక మండన్న అలాగే కిషోర్ తిరుమల కలిసి తిరుపతిలో శ్రీవారిని దర్శించుకున్నారు. ఈ చిత్రాన్ని సుధాకర్ చెరుకూరి నిర్మిస్తున్నారు. ఈ రోజు ఉదయం వి.ఐ.పి దర్శనం ద్వారా స్వామి వారిని దర్శించుకోగా వారిని ఆలయ అర్చకులు ఆశీర్వదించి తీర్థప్రసాదాలు అందచేశారు. చిత్ర బృందం ప్రేక్షకాభిమానులకు దసరా శుభాకాంక్షలు తెలిపారు.

రామ్ తో తీసే ‘రెడ్’ సినిమా పూర్తి అవ్వడంతో కిషోర్ తిరుమల వెంటనే ఇంకో సినిమాని లైన్ లోకి తీసుకొచ్చారు.ఈ రోజే ఈ సినిమా టైటిల్ ‘ఆడవాళ్లు మీకు జోహార్లు’ అని కూడా ప్రకటించారు. ఈ సినిమా రెగ్యులర్ షూటింగ్ త్వరలోనే మొదలు కాబోతోంది. వరసగా పెద్ద పెద్ద సినిమాల్లో నటిస్తున్న రష్మీక మండన్న ఇప్పుడు ఈ సినిమాని ఒప్పుకోవడం వల్ల ఈ సినిమాకి క్రేజ్ మొదలైంది. అలాగే శర్వానంద్‌ ప్రస్తుతం ‘శ్రీకారం’ సినిమా షూటింగ్‌లో బిజీగా ఉన్నారు. కిషోర్‌ రెడ్డి దర్శకత్వం వహిస్తున్న ఈ సినిమాలో శర్వా‌కి జంటగా ప్రియాంక అరుల్‌ మోహన్‌ సందడి చేయనున్నారు. ఇటీవల ‘శ్రీకారం’ షూటింగ్‌ తిరుపతి పరిసర ప్రాంతాల్లో జరిగింది. మరోవైపు ప్రస్తుతం రష్మిక  అల్లు అర్జున్ ‘పుష్ప’ చిత్రం లో నటిస్తున్నారు.