క‌లెక్ష‌న్ కింగ్ డాక్ట‌ర్ మోహ‌న్‌బాబు చాలా రోజుల త‌ర్వాత హీరోగా న‌టిస్తున్న చిత్రం “సన్ ఆప్ ఇండియా”. ‘సన్ ఆఫ్ ఇండియా’ చిత్రం దేశ‌భ‌క్తి ఇతివృత్తంతో ఉండే చిత్రం. ఈ చిత్రానికి డైమండ్ ర‌త్న‌బాబు ద‌ర్శ‌క‌త్వం వ‌హిస్తున్నారు .శ్రీ ల‌క్ష్మీ ప్రసన్న పిక్చర్స్, 24 ఫ్రేమ్స్ ఫ్యాక్టరీ సంయుక్తంగా నిర్మిస్తున్న విషయం తెలిసిందే. మొహన్ బాబు గారు ఈ చిత్రంలో చాలా పవర్ ఫుల్ క్యారెక్టర్ లో కనిపించనున్నారు. ఈ చిత్ర జోనర్ చాలా కొత్తగా ఉండబోతుంది. మేస్ట్రో
ఇళ‌య‌రాజా సంగీత స్వ‌రాలు అందిస్తున్న ఈ చిత్రానికి స‌ర్వేష్ మురారి సినిమాటోగ్రాఫ‌ర్‌గా ప‌నిచేస్తున్నారు. డాక్ట‌ర్ మోహ‌న్‌బాబు స్వ‌యంగా స్క్రీన్‌ప్లే అందిస్తున్న ఈ సినిమాకు డైమండ్ ర‌త్న‌బాబు, తోట‌ప‌ల్లి సాయినాథ్ సంభాష‌ణ‌లు రాస్తున్నారు. సుద్దాల అశోక్‌తేజ పాట‌లు రాస్తుండ‌గా, గౌతంరాజు ఎడిటింగ్ చేస్తున్నారు. మోహ‌న్‌బాబుకు విరానికా స్టైలిస్ట్‌గా మంచు వ్య‌వ‌హ‌రిస్తుండ‌టం విశేషం. ఆర్ట్ డైరెక్ట‌ర్‌గా చిన్నా ప‌నిచేస్తున్నారు. స్వాతంత్ర్య దినోత్స‌వం
సంద‌ర్భంగా విడుద‌ల చేసిన ‘సన్ ఆఫ్ ఇండియా’ టైటిల్ పోస్ట‌ర్‌కు ఎక్స‌లెంట్ రెస్పాన్స్ వ‌చ్చింది. హైద‌రాబాద్‌లోని మోహ‌న్‌బాబు నివాసంలో శుక్ర‌వారం చిత్రీక‌రించిన ముహూర్త‌పు షాట్‌తో ఈ సినిమా షూటింగ్ ప్రారంభ‌మైంది. ముహూర్త‌పు షాట్‌కు విరానికా మంచు, ఐరా, అవ్ర‌మ్ కెమెరా స్విచ్చాన్ చేయ‌గా, ల‌క్ష్మీ మంచు, విద్యానిర్వాణ సంయుక్తంగా క్లాప్ నిచ్చారు. విష్ణు మంచు గౌర‌వ ద‌ర్శ‌క‌త్వం వ‌హించారు. అరియానా, వివియానా సంయుక్తంగా స్క్రిప్టును డైరెక్ష‌న్ టీమ్‌కు అందించారు. ఈ సినిమా రెగ్యుల‌ర్ షూటింగ్ సైతం ఈరోజే మొద‌లైంది..
